Germaniya terma jamoasi hujumchisi Tomas Myuller kecha Millatlar ligasi doirasida Vengriyaga qarshi o‘yinda jamoasining mag‘lubiyati haqida fikr bildirdi. Eslatib o‘tamiz, "bundestim" o‘z maydonida minimal hisobda mag‘lub bo‘ldi.

"Birinchi bo‘lim umidsizlikka uchradik. Biz juda ko‘p xatolarga yo‘l qo‘ydik. Ko‘pchilik futbolchilar hozir o‘z klublarida og‘ir kunlarni boshdan kechirishmoqda, maydonda o‘z kuchimizni ko‘rsata olmadik. Biroq, ishlar yaxshi ketmasa ham, biz birdamlikda davom etamiz", - dedi Myuller o‘yindan keyin bergan intervyusida.

Germaniya navbatdagi o‘yinini 26 sentyabr kuni mehmonda Angliyaga qarshi o‘tkazadi.