Германия терма жамоаси ҳужумчиси Томас Мюллер кеча Миллатлар лигаси доирасида Венгрияга қарши ўйинда жамоасининг мағлубияти ҳақида фикр билдирди. Эслатиб ўтамиз, "бундестим" ўз майдонида минимал ҳисобда мағлуб бўлди.
"Биринчи бўлим умидсизликка учрадик. Биз жуда кўп хатоларга йўл қўйдик. Кўпчилик футболчилар ҳозир ўз клубларида оғир кунларни бошдан кечиришмоқда, майдонда ўз кучимизни кўрсата олмадик. Бироқ, ишлар яхши кетмаса ҳам, биз бирдамликда давом этамиз", - деди Мюллер ўйиндан кейин берган интервьюсида.
Германия навбатдаги ўйинини 26 сентябрь куни меҳмонда Англияга қарши ўтказади.
