Hozirda "Atletiko" sharafini himoya qilayotgan "Barselona" hujumchisi Antuan Grizmanning Kataloniya klubiga transferi tafsilotlari ma’lum bo‘ldi.
El Mundo gazetasi Kataloniya klubining maxfiy ma’lumotlari aks etgan maqolani e’lon qildi. Demak, yangi epizodda aytilishicha, Grizmann "Atletiko"da "Barselona"dan ko‘ra ko‘proq maosh olgan.
2018 yilda hujumchi Madrid klubi bilan 5 yillik shartnoma imzolagan. Uning shartlariga ko‘ra, futbolchining birinchi mavsumdagi maoshi soliqlar to‘langanidan keyin 17 million yevro va 3 million bonusni tashkil qilgan. Har bir keyingi mavsum uchun futbolchi 20 million yevro ishlab olishi kerak edi. Ya’ni, besh yildan so‘ng futbolchining daromadi 100 million yevroni tashkil qiladi.
2019 yilda Grizmann "Barselona"ga o‘tdi va soliqlarsiz 98 million yevro maosh bilan 5 yillik shartnoma imzoladi. Barcha bonuslar bilan Kataloniya klubidagi hujumchi soliqlardan oldin 177,7 million ishlab olishi mumkin edi. 2 mavsum uchun to‘langan bonuslar miqdori soliqlardan oldin 46,5 million yevroni tashkil etdi.
Agar futbolchi "Atletiko"da qolganida, xuddi shu ikki yil ichida soliqlar to‘langanidan keyin 40 million yevro miqdoridagi bonuslarni olgan bo‘lardi - "Barsa"dagidan deyarli ikki barobar ko‘p.
O‘tgan mavsumdan beri Grizmann "Atletiko Madrid"da ijara asosida o‘ynamoqda.
