Ҳозирда "Атлетико" шарафини ҳимоя қилаётган "Барселона" ҳужумчиси Антуан Гризманнинг Каталония клубига трансфери тафсилотлари маълум бўлди.
El Mundo газетаси Каталония клубининг махфий маълумотлари акс этган мақолани эълон қилди. Демак, янги эпизодда айтилишича, Гризманн "Атлетико"да "Барселона"дан кўра кўпроқ маош олган.
2018 йилда ҳужумчи Мадрид клуби билан 5 йиллик шартнома имзолаган. Унинг шартларига кўра, футболчининг биринчи мавсумдаги маоши солиқлар тўланганидан кейин 17 миллион евро ва 3 миллион бонусни ташкил қилган. Ҳар бир кейинги мавсум учун футболчи 20 миллион евро ишлаб олиши керак эди. Яъни, беш йилдан сўнг футболчининг даромади 100 миллион еврони ташкил қилади.
2019 йилда Гризманн "Барселона"га ўтди ва солиқларсиз 98 миллион евро маош билан 5 йиллик шартнома имзолади. Барча бонуслар билан Каталония клубидаги ҳужумчи солиқлардан олдин 177,7 миллион ишлаб олиши мумкин эди. 2 мавсум учун тўланган бонуслар миқдори солиқлардан олдин 46,5 миллион еврони ташкил этди.
Агар футболчи "Атлетико"да қолганида, худди шу икки йил ичида солиқлар тўланганидан кейин 40 миллион евро миқдоридаги бонусларни олган бўларди - "Барса"дагидан деярли икки баробар кўп.
Ўтган мавсумдан бери Гризманн "Атлетико Мадрид"да ижара асосида ўйнамоқда.
