"Manchester Yunayted" va Fransiya terma jamoasining sobiq futbolchisi Patris Evra norvegiyalik hujumchi Erling Xolandning "Manchester Siti"ga o‘tishi haqida gapirdi.

“Erling haqiqiy yirtqich. U o‘zining jismoniy harakatlaridan mohirona foydalanadi. Xoland raqib darvozasi oldida juda xavfli. U shunday savlatiga yarasha juda o‘tkir va tezkor. Uning kelishi "Manchester Siti"ni to‘g‘ri yo‘lga qaytardi. Jamoa Premyer-ligada hujumchisiz g‘alaba qozongan bo‘lsa-da, Chempionlar Ligasida hujumchi yo‘qligi ularga xalal berdi. Endi ular mag‘lubiyatga uchragan taqdirda ham hech qanday bahona qila olmaydilar", - dedi fransiyalik sobiq futbolchi Manchester Evening News bilan suhbatda.

22 yoshli skandinaviyalik futbolchi Premyer-liganing joriy mavsumida 7 ta o‘yinda 11 ta gol urdi.