"Манчестер Юнайтед" ва Франция терма жамоасининг собиқ футболчиси Патрис Эвра норвегиялик ҳужумчи Эрлинг Холанднинг "Манчестер Сити"га ўтиши ҳақида гапирди.
“Эрлинг ҳақиқий йиртқич. У ўзининг жисмоний ҳаракатларидан моҳирона фойдаланади. Холанд рақиб дарвозаси олдида жуда хавфли. У шундай савлатига яраша жуда ўткир ва тезкор. Унинг келиши "Манчестер Сити"ни тўғри йўлга қайтарди. Жамоа Премьер-лигада ҳужумчисиз ғалаба қозонган бўлса-да, Чемпионлар Лигасида ҳужумчи йўқлиги уларга халал берди. Энди улар мағлубиятга учраган тақдирда ҳам ҳеч қандай баҳона қила олмайдилар", - деди франциялик собиқ футболчи Manchester Evening News билан суҳбатда.
22 ёшли скандинавиялик футболчи Премьер-лиганинг жорий мавсумида 7 та ўйинда 11 та гол урди.
