"Liverpul" va "Chelsi" klublari "Brayton"ning 20 yoshli yarim himoyachisi Moyses Kaysedoga qiziqish bildirmoqda.

"Liverpul" yarim himoyachini "Independyente del ValYE" klubida o‘ynaganidan beri kuzatib kelmoqda. Biroq o‘shanda klub transferni tashkil etishda qiyinchiliklarga duch keldi, chunki Kaysedo atrofida ko‘plab agentlar bor edi, deb yozadi jurnalist Ben Jeykobs.

O‘shanda "Brayton" uning uchun 4,5 million funt to‘lagan, ammo agentlarga juda katta komissiyalar to‘lagandi.

"Brayton" qishda 20 yoshli yarim himoyachi uchun takliflar olishni kutmoqda. "Brayton" yarim himoyachi uchun kamida 50 million funt talab qiladi.

Premyer-liganing bir qancha klublari, jumladan, “Liverpul” va “Chelsi” vaziyatni kuzatmoqda. Ayni damda "Ayaks" futbolchisi Edson Alvares londonliklarning maydon markazini kuchaytirishdagi ustuvor variantidir, ammo vaziyat o‘zgarishi mumkin.

Ekvadorlik futbolchining "Brayton" bilan shartnomasi 2025 yilning yoziga qadar amal qiladi va klub yarim himoyachi bilan yangi shartnoma imzolamoqchi.

Hozir Kaysedo klubini o‘zgartirish haqida o‘ylamayapti. 2022 yilgi Jahon chempionatidan keyin boshqa jamoaga o‘tish masalasi ko‘tarilishi mumkin.

Avgust oyida futbolchiga "Manchester Yunayted" qiziqayotgani haqida xabarlar tarqalgan edi.

Moyses joriy mavsumda Premyer-ligada 6 ta o‘yinda maydonga tushdi va 1 ta gol urdi.