Yarim himoyachi Luka Modrich Xorvatiya terma jamoasi tarixidagi eng keksa gol muallifiga aylandi.

Futbolchi Millatlar ligasi doirasida Avstriyaga qarshi o‘yinning 6-daqiqasida (1:1) yarim himoyachi Nikola Vlashichning uzatmasini golga aylantirib, hisobni ochdi.

Hozirda 37 yoshu 16 kunlik bo‘lgan Modrich 36 yoshu 327 kunligida gol urgan Niko Kovachning natijasidan o‘zib ketdi.

Luka shuningdek terma jamoa tarixidagi to‘purarlar ro‘yxatida beshinchi o‘ringa ko‘tarildi - 23 ta gol. Eduardo da Silva 29 ta, Ivan Perishich 32 ta, Mario Manjukich 33 ta, Davor Shuker 45 ta gol urgan.