Ярим ҳимоячи Лука Модрич Хорватия терма жамоаси тарихидаги энг кекса гол муаллифига айланди.

Футболчи Миллатлар лигаси доирасида Австрияга қарши ўйиннинг 6-дақиқасида (1:1) ярим ҳимоячи Никола Влашичнинг узатмасини голга айлантириб, ҳисобни очди.

Ҳозирда 37 ёшу 16 кунлик бўлган Модрич 36 ёшу 327 кунлигида гол урган Нико Ковачнинг натижасидан ўзиб кетди.

Лука шунингдек терма жамоа тарихидаги тўпурарлар рўйхатида бешинчи ўринга кўтарилди - 23 та гол. Эдуардо да Силва 29 та, Иван Перишич 32 та, Марио Манжукич 33 та, Давор Шукер 45 та гол урган.