"Manchester Yunayted"ning sobiq futbolchisi Erik Kantona mankunianliklar sobiq ijrochi direktori Ed Vudvordga uni klub prezidenti etib tayinlashni bir necha bor taklif qilganini, ammo har safar rad javobini olganini tan oldi.

“Men Ed Vudvord bilan bir necha bor uchrashganman. Ammo rahbariyat meni “Manchester Yunayted” futbol klubi prezidenti etib tayinlash haqida qaror qabul qilmadi.

Men hali ham bu men yoki boshqa birov bo‘lishi kerak deb o‘ylayman. "Manchester Yunayted"da futbol uchun javobgan kimdir bo‘lishi kerak", - deya Kantonaning so‘zlarini keltiradi The Athletic.

56 yoshli Kantona 1992 yildan 1997 yilgacha “Manchester Yunayted”da o‘ynagan. Ingliz klubi bilan birgalikda hujumchi 12 ta sovrinni qo‘lga kiritdi.