"Chelsi"ning yangi bosh murabbiyi Grem Potter himoyachi Trevo Chalobani yarim himoyachi sifatida sinab ko‘rdi. The Athletic nashri xabariga ko‘ra, futbolchi bu pozisiyada "Brayton"ga qarshi yopiq eshiklar ortida o‘tkazilgan o‘rtoqlik uchrashuvida maydonga tushgan.

Eslatib o‘tamiz, Chaloba o‘tgan yozdan beri "Chelsi"ning asosiy jamoasida to‘p surmoqda. Qizig‘i shundaki, bungacha angliyalik futbolchi mavsumni Fransiyaning "Loren" jamoasida ijara asosida o‘tkazgan va u yerda faqat himoyachi yarim himoyachisi pozisiyasida harakat qilgan.

Avvalroq Chalobaga "Leypsig" va "Milan" klublari qiziqish bildirayotgani haqida xabarlar tarqalgandi. Himoyachi yozda jamoani tark etishga tayyor edi, ammo “Chelsi” yosh iqtidorning transferiga to‘sqinlik qildi.