"Chelsi" hujumchisi Kristian Pulishich faoliyatini "Lids"da davom ettirishi mumkin. Bu haqda Leeds Live nashri xabar bermoqda. Manbaga ko‘ra, amerikalik futbolchi ko‘proq o‘yin amaliyoti uchun London jamoasini tark etishi mumkin.
24 yoshli Pulishich 2019 yilning yanvarida Dortmundning “Borussiya”sidan “Chelsi”ga o‘tgan, biroq 2018/2019 yilgi mavsumni Dortmundda yakunlagandi. Kristian joriy mavsumda “Chelsi” safida Premyer-ligada va Chempionlar ligasida 8 ta o‘yinda maydonga tushdi. Pulishich va "Chelsi" o‘rtasidagi kelishuv 2024 yilning yozida yakuniga yetadi.
