"Челси" ҳужумчиси Кристиан Пулишич фаолиятини "Лидс"да давом эттириши мумкин. Бу ҳақда Leeds Live нашри хабар бермоқда. Манбага кўра, америкалик футболчи кўпроқ ўйин амалиёти учун Лондон жамоасини тарк этиши мумкин.
24 ёшли Пулишич 2019 йилнинг январида Дортмунднинг “Боруссия”сидан “Челси”га ўтган, бироқ 2018/2019 йилги мавсумни Дортмундда якунлаганди. Кристиан жорий мавсумда “Челси” сафида Премьер-лигада ва Чемпионлар лигасида 8 та ўйинда майдонга тушди. Пулишич ва "Челси" ўртасидаги келишув 2024 йилнинг ёзида якунига етади.