"Chelsi" yarim himoyachisi Ngolo Kante Grem Potter jamoasi bilan mashg‘ulotlarga qaytdi. “Ko‘klar” rasmiy sayti xabariga ko‘ra, fransiyalik futbolchi yana umumiy guruhda mashg‘ulot o‘tkazmoqda.
Eslatib o‘tamiz, Kante avgust oyida Angliya Premyer-ligasining 2-turida "Tottenxem"ga qarshi o‘yinda jarohat olgan edi. Keyin esa yarim himoyachi 5-6 haftani o‘tkazib yuborishi ma’lum bo‘ldi. Ngolo hali ham optimal formaga kirishi kerak bo‘lganligi sababli, keyingi turda "Kristal Pelas"ga qarshi o‘yinda zaxirada o‘tiradi.
Kantening "Chelsi" bilan shartnomasi joriy mavsum oxirida yakuniga yetadi. Fransiyalik futbolchi kelasi yozda klubni tekinga tark etishi mumkin.
