"Челси" ярим ҳимоячиси Нголо Канте Грем Поттер жамоаси билан машғулотларга қайтди. “Кўклар” расмий сайти хабарига кўра, франциялик футболчи яна умумий гуруҳда машғулот ўтказмоқда.
Эслатиб ўтамиз, Канте август ойида Англия Премьер-лигасининг 2-турида "Тоттенхэм"га қарши ўйинда жароҳат олган эди. Кейин эса ярим ҳимоячи 5-6 ҳафтани ўтказиб юбориши маълум бўлди. Нголо ҳали ҳам оптимал формага кириши керак бўлганлиги сабабли, кейинги турда "Кристал Пэлас"га қарши ўйинда захирада ўтиради.
Кантенинг "Челси" билан шартномаси жорий мавсум охирида якунига етади. Франциялик футболчи келаси ёзда клубни текинга тарк этиши мумкин.
