Sentyabr oyi boshida jarohat olgan belgiyalik hujumchi Romelu Lukaku tez orada umumiy guruhga qaytadi va to‘liq tarkibda mashg‘ulotlarga kirishadi.
Bu haqda Italiyaning La Gazzetta Dello Sport nashri xabar bermoqda. U uch haftalik tanaffusdan so‘ng, ertadan mashg‘ulotlarda ishtirok etishi kutilmoqda.
Umuman olganda, Romelu shu paytgacha oltita o‘yinni o‘tkazib yubordi, jumladan, “Milan”ga qarshi derbida “Inter” 2:3 hisobida mag‘lub bo‘ldi.
"Inter" ligadagi navbatdagi o‘yinini 1 oktyabr kuni "Roma"ga qarshi o‘tkazadi. Romelu "Roma" jamoasiga qarshi o‘yindan maydonga tushishi kutilmoqda.
Lukaku joriy mavsumda 3 ta o‘yinda 1 ta gol urdi va bitta golli uzatmani amalga oshirdi.
