Сентябрь ойи бошида жароҳат олган бельгиялик ҳужумчи Ромелу Лукаку тез орада умумий гуруҳга қайтади ва тўлиқ таркибда машғулотларга киришади.
Бу ҳақда Италиянинг La Gazzetta Dello Sport нашри хабар бермоқда. У уч ҳафталик танаффусдан сўнг, эртадан машғулотларда иштирок этиши кутилмоқда.
Умуман олганда, Ромелу шу пайтгача олтита ўйинни ўтказиб юборди, жумладан, “Милан”га қарши дербида “Интер” 2:3 ҳисобида мағлуб бўлди.
"Интер" лигадаги навбатдаги ўйинини 1 октябрь куни "Рома"га қарши ўтказади. Ромелу "Рома" жамоасига қарши ўйиндан майдонга тушиши кутилмоқда.
Лукаку жорий мавсумда 3 та ўйинда 1 та гол урди ва битта голли узатмани амалга оширди.
