"Pari Sen-Jermen" va "Roma" futbolchi jarohatidan so‘ng Jorjinyo Veynaldum bo‘yicha kelishuvni qaytadan ko‘rib chiqadi, deb xabar beradi Calciomercato.
Yozda italyan klubi niderlandiyalik futbolchini 10 million yevroga sotib olish imkoniyati bilan ijaraga olgandi. Shu bilan birga, futbolchining maoshining yarmi "PSJ"da qolgan.
Biroq mavsum boshida Veynaldum jiddiy jarohat oldi. Ma’lumotlarga ko‘ra, endi parijliklar rimliklarga chegirma berishadi – “bo‘rilar” Jorjinio Veynaldumni arzonroq narxda sotib olishlari mumkin.
Joriy mavsumda Veynaldum “Roma” safida A seriyada bitta o‘yinda qatnashdi. Uning parijliklar klubi bilan shartnomasi 2024 yilning 30 iyuniga qadar amal qiladi.
