Polshalik hujumchi Arkadiush Milik doimiy ravishda Turinning “Yuventus” klubida qolishi mumkin. Bu haqda Calciomercato nashri xabar bermoqda.
Manba bergan xabarga ko‘ra, "keksa sinyora" rahbariyati yaqin vaqt ichida "Marsel" bilan bu borada muzokaralar o‘tkazishni rejalashtirgan. Italiya top-klubi Arkadiush transferi uchun yetti million yevro to‘lashga tayyor.
Milik yozgi transfer oynasi oxirida "Yuventus"ga o‘tdi. Uning ijara shartnomasi kelasi yilning iyun oyi oxirigacha amal qiladi.
A Seriyaning joriy mavsumida hujumchi to‘rtta jang o‘tkazib, ikkita gol urgan.
