Поьлшалик ҳужумчи Аркадиуш Милик доимий равишда Туриннинг “Ювентус” клубида қолиши мумкин. Бу ҳақда Calciomercato нашри хабар бермоқда.
Манба берган хабарга кўра, "кекса синьора" раҳбарияти яқин вақт ичида "Марсель" билан бу борада музокаралар ўтказишни режалаштирган. Италия топ-клуби Аркадиуш трансфери учун етти миллион евро тўлашга тайёр.
Милик ёзги трансфер ойнаси охирида "Ювентус"га ўтди. Унинг ижара шартномаси келаси йилнинг июнь ойи охиригача амал қилади.
А Сериянинг жорий мавсумида ҳужумчи тўртта жанг ўтказиб, иккита гол урган.
