Fransiya terma jamoasi va "Arsenal" klubining sobiq futbolchisi Bakari Sanya "kanonirlar"ning Angliya Premyer-ligasidagi ushbu mavsumdagi o‘yini haqida gapirdi.

Yetti turdan so‘ng, "kanonirlar" eng yaqin ta’qibchisidan bir ochkoga oldinda borishmoqda va turnir jadvalida peshqadamlik qilmoqda.

"O‘tgan mavsumga nisbatan jamoada maqsadlilik va o‘ziga ishonch paydo bo‘ldi. Bu fazilatlar vaqt o‘tishi bilan rivojlanadi va endi buni "Arsenal"da ko‘ramiz. Hozir bu butunlay boshqacha klub, men ularda o‘ynagan paytlarimdagi eski "Arsenal" standartlariga qaytmoqda. Uzoq vaqtdan beri birinchi marta ular Premyer-ligada raqobatlasha olishdi", - dedi Sanya Lord Ping bilan suhbatda.

"Arsenal"ning navbatdagi o‘yini 1 oktyabr kuni "Tottenxem"ga qarshi bo‘ladi.