Франция терма жамоаси ва "Арсенал" клубининг собиқ футболчиси Бакари Санья "канонирлар"нинг Англия Премьер-лигасидаги ушбу мавсумдаги ўйини ҳақида гапирди.
Етти турдан сўнг, "канонирлар" энг яқин таъқибчисидан бир очкога олдинда боришмоқда ва турнир жадвалида пешқадамлик қилмоқда.
"Ўтган мавсумга нисбатан жамоада мақсадлилик ва ўзига ишонч пайдо бўлди. Бу фазилатлар вақт ўтиши билан ривожланади ва энди буни "Арсенал"да кўрамиз. Ҳозир бу бутунлай бошқача клуб, мен уларда ўйнаган пайтларимдаги эски "Арсенал" стандартларига қайтмоқда. Узоқ вақтдан бери биринчи марта улар Премьер-лигада рақобатлаша олишди", - деди Санья Lord Ping билан суҳбатда.
"Арсенал"нинг навбатдаги ўйини 1 октябрь куни "Тоттенхэм"га қарши бўлади.
