O‘zbekiston Superligasining 20-turida «So‘g‘diyona» va AGMK jamoalari 30 sentyabr, juma kuni o‘zaro bahs olib bordi.

Uchrashuvda AGMK 2:0 hisobida g‘alaba qozondi. Olmaliqliklar safida Martin Boake va Xurshid G‘iyosovlar o‘z hisobiga gol yozdirib qo‘ydi. Qayd etib o‘tish joiz, «So‘g‘diyona» safida Shohruz Norxonov 61-daqiqada penaltidan unumli foydalana olmadi.

Mirjalol Qosimov shogirdlari ushbu g‘alabadan so‘ng ochkolari sonini 32 taga yetkazib, 4-o‘rinni band etdi. «So‘g‘diyona» esa 32 ochko bilan 6-pog‘onaga tushib ketdi.

Superliga, 20-tur bahsi
30 sentyabr, juma
«So‘g‘diyona» — AGMK 0:2
Gollar: 0:1 — 18 Martin Boake, 0:2 — 81 Xurshid G‘iyosov (penalti).
Noaniq penalti: Shohruz Norxonov (61)
«So‘g‘diyona»: 27. Milan Mitrovich, 2. Sardor Qulmatov, 5. Ayubxon No‘monov (9. Shavkat Salomov, 73), 10. Shohruz Norxonov (28. Samandarjon Mavlonqulov, 65), 11. Jasur Hasanov, 19. Javohir Qahramonov, 21. Abdujalil Manazarov, 26. Vitaliy Denisov, 31. Luka Chermel, 44. Yuriy Obshivak (12. Xislat Halilov, 46), 93. Marko Kolakovich.
AGMK: 1. Botirali Ergashev, 7. Dilshod Ahmadaliyev, 3. Sardor Rahmonov, 16. Artyom Filiposyan, 2. Akrom Komilov, 15. Giorgi Papava (8. Abdulla Abdullayev, 89), 4. Mirjamol Qosimov, 88. Siyavash Haqnazariy, 22. Shohruh Gadoyev, 10. Xurshid G‘iyosov, 27. Martin Boake.
Ogohlantirishlar: Artyom Filiposyan  (58), Shavkat Salomov (77), Abdujalil Manazarov (90).