Rimning "Roma" klubi hujumchisi Paulo Dibala maydonga qaytishga tayyor. Argentinalik futbolchi sonidan olgan jarohatidan forig‘ bo‘ldi va jamoaning umumiy guruhida mashg‘ulot o‘tkazmoqda, deb xabar bermoqda Calciomercato.
Manba bergan xabarga ko‘ra, Rim klubi bosh murabbiyi Joze Mourinyo argentinalik futbolchi bilan gaplashib, uning son qismida og‘riq sezmasligiga ishonch hosil qilgan. Murabbiy Dibalani "Inter"ga qarshi safar o‘yinida asosiy tarkibga kiritishi kutilmoqda.
Eslatib o‘tamiz, Paulo Dibala "Roma"ning "Atalanta"ga qarshi uchrashuvini o‘yindan oldingi chigalyozdi mashg‘ulotlar paytida o‘zini noqulay his qilgani uchun o‘tkazib yuborgan edi.
“Inter” – “Roma” uchrashuvi 1 oktyabr kuni bo‘lib o‘tadi.
