Римнинг "Рома" клуби ҳужумчиси Пауло Дибала майдонга қайтишга тайёр. Аргентиналик футболчи сонидан олган жароҳатидан фориғ бўлди ва жамоанинг умумий гуруҳида машғулот ўтказмоқда, деб хабар бермоқда Calciomercato.
Манба берган хабарга кўра, Рим клуби бош мураббийи Жозе Моуриньо аргентиналик футболчи билан гаплашиб, унинг сон қисмида оғриқ сезмаслигига ишонч ҳосил қилган. Мураббий Дибалани "Интер"га қарши сафар ўйинида асосий таркибга киритиши кутилмоқда.
Эслатиб ўтамиз, Пауло Дибала "Рома"нинг "Аталанта"га қарши учрашувини ўйиндан олдинги чигалёзди машғулотлар пайтида ўзини ноқулай ҳис қилгани учун ўтказиб юборган эди.
“Интер” – “Рома” учрашуви 1 октябрь куни бўлиб ўтади.
