"Yuventus" hujumchisi Kayo Jorje ijara asosida "Flamengo"ga o‘tishi mumkin, deya xabar bermoqda Tuttomercatoweb Braziliya OAVlariga tayanib.
Jorje o‘tgan mavsumda tizzasidan olgan jarohatidan tiklanishni davom ettirmoqda. 20 yoshli hujumchi maydonga qaytganida ko‘proq o‘yin vaqtini olish uchun "Flamengo"ga o‘tishi mumkin. "Yuventus"dan "Flamengo"ga potensial ijara keyingi qishki transfer oynasida amalga oshishi mumkin.
Kayo Jorje 2021 yil avgustida “Yuventus”ga o‘tgan edi. Bungacha u "Santos"da o‘ynagan.