Coca Cola Superliganing 20-turi doirasida o‘tkazilgan “Bunyodkor” – “Navbahor” uchrashuvidan keyin “lochinlar” bosh murabbiyi Samvel Babayan o‘z fikrlari bilan o‘rtoqlashdi.

- Afsuski, bugun mag‘lub bo‘ldik. Yigitlarga aytarli e’tirozlar yo‘q, ikkita qo‘pol xato o‘yin natijasiga ta’sir qildi. O‘sha-o‘sha muammo - vaziyatlar yaratayapmiz, ammo ulardan foydalana olmayapmiz. Agar sen gol urmasang g‘alaba qozonish qiyin. Oldimizda 6 ta o‘yin, ularga yanada yaxshiroq tayyorlanish va yuqori saviyada ishtirok etishimiz kerak.

Biz raqib taktikasiga moslashmaymiz. “Bunyodkor”ning so‘nggi nazorat uchrashuvini ko‘rdim va o‘shanda ham 4 himoyachi bilan o‘ynagandi. Shu bois biz uchun yangilik bo‘lmadi. Birinchi golda shunchaki konsentrasiyani yo‘qotdik va raqib jazoladi. Tan olish kerak “Bunyodkor” bugun yaxshi o‘ynadi.