Huquqlari "Bayer"ga tegishli bo‘lgan umidli yarim himoyachi Florian Virs bir vaqtning o‘zida bir nechta top-klublarning qiziqishi doirasida. Calciomercato xabariga ko‘ra, 19 yoshli futbolchi uchun "Real Madrid", "Bavariya", "Chelsi" va "Liverpul" klublari kurashmoqchi.
Ayni damda iqtidorli futbolchi jarohati tufayli lazaretda yotibdi. U leverkuzenliklar safida jami 78 ta o‘yin o‘tkazib, 19 ta gol urgan va 22 ta golli uzatmani amalga oshirgan. Uning transfer narxi 70 million yevroga baholanmoqda.