"Kristal Pelas" bosh murabbiyi Patrik Viyeyra "Chelsi" himoyachisi Tiago Silvaning to‘pni qo‘li bilan o‘ynagani uchun sariq kartochka olganini muhokama qilishdan bosh tortdi.
Shanba kuni "Selxerst Park" stadionida bo‘lib o‘tgan Premyer-liga o‘yinining birinchi bo‘limida Silva to‘pni qo‘li bilan Jordan Ayyuning oyog‘idan chiqarib yuborib, raqib hujumini to‘xtatdi. Bu Tiago Pyer-Emerik Obameyangga golli uzatma berishdan biroz oldin sodir bo‘ldi.
Viyeyra yaxshi biladi, agar Silva maydondan chetlatilsa, o‘yin butunlay boshqacha bo‘lishi mumkin edi, shu bois 1:2 hisobidagi mag‘lubiyatdan keyin bergan intervyusida Patrik ushbu voqeani muhokama qilishdan bosh tortdi.
"Mana, men bu haqda gapirishni istamayman, bu haqda gaplashib vaqtimni behuda sarf qilsam, boshim katta muammoga duchor bo‘ladi.
Bu hakamning qarori, men uning fikriga qo‘shilmayman, uni tushunmayapman, lekin biz faqat davom etishimiz kerak. O‘ylaymanki, umuman olganda, bu o‘yinda biz kamida bir ochkoga loyiq edik", - dedi Viyeyra talkSPORT bilan suhbatda.
