"Liverpul"ning sobiq futbolchisi Grem Suness "Manchester Yunayted" himoyachisi Garri Maguayr manziliga bo‘layotgan tanqidlar haqida fikr bildirdi. Uning ta’kidlashicha, jamoaning muammolarida himoyachini ayblab bo‘lmaydi.
"U juda diqqat bilan kuzatilmoqda, chunki "Manchester Yunayted" uni dunyodagi eng qimmat himoyachiga aylantirdi, keyin esa Garri sardorlik bog‘ichini oldi. Endi u asosiy tanqid ob’ekti. Uni jamoaning muvaffaqiyatsizliklarida ayblashadi, ammo bu kulgili – "Manchester Yunayted" faqat uning aybi bilan mag‘lub bo‘lgan birorta o‘yinni eslay olmayman.
Ha, uning xatolari bor edi, lekin juda qattiq tanqid chalkashtirib yuboradi. Internetda uni tanqid qilganlarni yomon ko‘raman. Ular yuzsiz odamlar" - dedi Suness.
