La Liganing 7 va 8-tur uchrashuvlari Indoneziyadagi stadionda yuz bergan voqea qurbonlari xotirasiga bir daqiqalik sukut saqlash bilan boshlanadi, deb xabar beradi turnir rasmiy sayti.
“La Liga ushbu imo-ishora bilan Indoneziya xalqiga, xususan Yava orolidagi stadiondagi fojiada halok bo‘lganlarning yaqinlariga hamdardlik bildiradi, shuningdek, to‘qnashuvlar chog‘ida jarohatlanganlarning tezroq sog‘ayib ketishini tilaydi”, deyiladi bayonotda.
Avvalroq tartibsizliklarda halok bo‘lganlar soni 174 kishiga yetgani ma’lum bo‘lgan edi.
