Ла Лиганинг 7 ва 8-тур учрашувлари Индонезиядаги стадионда юз берган воқеа қурбонлари хотирасига бир дақиқалик сукут сақлаш билан бошланади, деб хабар беради турнир расмий сайти.
“Ла Лига ушбу имо-ишора билан Индонезия халқига, хусусан Ява оролидаги стадиондаги фожиада ҳалок бўлганларнинг яқинларига ҳамдардлик билдиради, шунингдек, тўқнашувлар чоғида жароҳатланганларнинг тезроқ соғайиб кетишини тилайди”, дейилади баёнотда.
Аввалроқ тартибсизликларда ҳалок бўлганлар сони 174 кишига етгани маълум бўлган эди.
