Globo Esporte хабарига кўра, Габриэл Мартинелли "Ал-Ҳилол" билан тўрт йиллик шартнома бўйича келишувга эришди ва ҳозирда унинг "Арсенал"дан Саудия Арабистони клубига трансфери бўйича сўнгги тафсилотлар ҳал қилинишини кутмоқда.
Келишув қиймати бонуслар билан бирга тахминан 65 миллион еврони ташкил этиши кутилмоқда. Айни пайтда "Арсенал" ва "Ал-Ҳилол" трансфернинг якуний суммаси, тўлов шартлари ва қўшимча бонуслар борасида музокараларни давом эттирмоқда.
Мартинелли Микель Артета режаларидан чиқиб қолган ва "Арсенал"нинг мавсумдаги дастлабки икки учрашуви учун қайдномага киритилмаган.
25 ёшли бразилиялик футболчи "Галатасарой" ва яна бир қатор клубларнинг қизиқишини рад этиб, фаолиятини "Ал-Ҳилол"да давом эттиришга қарор қилган.
Саудия Арабистони Про-лигаси клуби билан тузиладиган шартнома Мартинеллини Винисиус Жуниордан кейин энг кўп маош оладиган бразилиялик футболчига айлантиради.
