“Manchester Siti” markaziy hujumchisi Erling Xoland Chempionlar ligasida g‘alaba qozonish niyati borligini ma’lum qildi.

"Men bosimni his qilyapmanmi? Qaysi turnirda o‘ynashidan qat’iy nazar, bu har doim futbolchilarda bo‘ladi. Futbolchilar doimo bosim ostida, har dam olish kunlari imtihon topshiramiz. Bu mening keyingi 15 yildagi hayotim bo‘ladi.

Chempionlar ligasiga kelsak, bu turnirda g‘alaba qozonish mening orzum", - deya norvegiyalik hujumchining so‘zlaridan iqtibos keltiradi Sky Sports.

“Manchester Siti” Chempionlar ligasi guruh bosqichini ketma-ket ikki g‘alaba bilan boshladi. Chempionlar ligasining navbatdagi o‘yinida Xosep Gvardiola shogirdlari "Kopengagen" bilan to‘qnash kelishadi. O‘yin 5 oktyabr kuni bo‘lib o‘tadi.