“Манчестер Сити” марказий ҳужумчиси Эрлинг Холанд Чемпионлар лигасида ғалаба қозониш нияти борлигини маълум қилди.
"Мен босимни ҳис қиляпманми? Қайси турнирда ўйнашидан қатъий назар, бу ҳар доим футболчиларда бўлади. Футболчилар доимо босим остида, ҳар дам олиш кунлари имтиҳон топширамиз. Бу менинг кейинги 15 йилдаги ҳаётим бўлади.
Чемпионлар лигасига келсак, бу турнирда ғалаба қозониш менинг орзум", - дея норвегиялик ҳужумчининг сўзларидан иқтибос келтиради Sky Sports.
“Манчестер Сити” Чемпионлар лигаси гуруҳ босқичини кетма-кет икки ғалаба билан бошлади. Чемпионлар лигасининг навбатдаги ўйинида Хосеп Гвардиола шогирдлари "Копенгаген" билан тўқнаш келишади. Ўйин 5 октябрь куни бўлиб ўтади.
