Erik ten Xag "Manchester Yunayted" hujumchisi Markus Reshfordni maqtadi.

“Uning iqtidorli ekanligi darhol ma’lum bo‘ldi. U bilan ishlash imkoniga ega bo‘lganimdan juda xursandman. Uning o‘yinga qanday ta’sir qilishi mumkinligini allaqachon bilardim. Uning salohiyati bor. Buni har bir uchrashuvda, uning maydonda qabul qilayotgan har bir qarorida ko‘rish mumkin.

Markus yaxshiroq o‘ynay boshlaganidan juda xursandman va undan xuddi shu ruhda davom etishini kutaman. Biz bunga ijobiy munosabatdamiz. Keyinchalik nima bo‘lishini kutishimiz kerak.

Men unga: "Men har kuni tabassumingni ko‘rishni xohlayman", dedim. Biz yaxshi mashg‘ulotlar tayyorlayapmiz, keyin hammasi futbolchiga bog‘liq. Qachonki siz mashg‘ulotlardan zavqlansangiz va bor kuchingizni bersangiz, albatta, yaxshiroq o‘ynay olasiz”, - dedi “Manchester Yunayted” bosh murabbiyi.

Reshford joriy mavsumda “Manchester Yunayted” safida 6 ta o‘yinda 3 ta gol urdi va 2 ta golli uzatmani amalga oshirdi. O‘tgan mavsumda u jamoa safida barcha musobaqalarda 32 o‘yinda 5 ta gol urgan.