“Barselona” shanba kuni “Malyorka” ustidan 1:0 hisobida g‘alaba qozondi.
Yagona golni Robert Levandovski urdi, unga esa Ansu Fati assistentlik qildi.
O‘yindan so‘ng “ko‘k-anorranglilar” bosh murabbiyi Xavi 19 yoshli futbolchiga yuqori baho berdi.
“Ansu juda yaxshi o‘ynadi. So‘nggi ikki haftada u mashg‘ulotlarda ajoyib mehnat qildi. Bu davr uning uchun yaxshi bo‘ldi. Fati jamoamizda muhim rol o‘ynashga qodir. Ishonchim komilki, shunday bo‘ladi”, - dedi Xavi.
Endi "Barselona" Chempionlar ligasi guruh bosqichi 3-turi doirasidagi "Inter"ga qarshi o‘yinga tayyorgarlik ko‘radi.
