“Manchester Siti” APLning 9-turida “Manchester Yunayted”ni derbida mag‘lub etdi (6:3).

Birinchi bo‘limda “shaharliklar” javobsiz 4 ta gol urishdi – Erling Xoland va Filipp Foden dublga erishdi.

56-daqiqada Antoni hisobni qisqartirdi. 64-daqiqada Xoland xet-trik qayd etgan bo‘lsa, 72-daqiqada Foden ikkinchi bor Xolandning uzatmasidan unumli foydalanib, uchinchi golini urdi. 84-daqiqada Antoni Marsyal “MYU”ning ikkinchi goliga mualliflik qilgan bo‘lsa, 91-daqiqada fransiyalik futbolchi penaltini aniq amalga oshirib, dubl qayd etdi.

Manchester Siti – Manchester Yunayted 6:3 (4:0, 2:3)

Gollar: 1:0 – 8 Foden, 2:0 – 34 Xoland, 3:0 – 37 Xoland, 4:0 – 44 Foden, 4:1 – 56 Antoni, 5:1 – 64 Xoland, 6:1 – 72 Foden, 6:2 – 84 Marsyal, 6:3 – 90, penalti Marsyal.

Manchester Siti – Ederson, Uoker (Serxio Gomes, 41), Ake, Akandji, Joau Kanselu, Gyundogan (Laport, 75), de Bryuyne (Alvares, 75), Bernardu Silva, Grilish (Palmer, 75), Foden (Marez, 75), Xoland.

Manchester Yunayted – De Xea, Diogu Dalot, Varan (Lindelef, 40), Martines, Malasia (Shou, 46), Eriksen, Brunu Fernandesh, Maktomini (Kazemiro, 59), Reshford (Marsyal, 59), Sancho (Fred, 70), Antoni.

Ogohlantirishlar: Diogu Dalot (2), Malasia (23), Brunu Fernandesh (80).