Angliya Premyer-ligasining 9-turidan o‘rin olgan uchrashuvda “Manchester Siti” va “Manchester Yunayted” jamoalari o‘zaro to‘qnash kelishdi va uchrashuv xokkey hisobi bilan yakunlandi – "shaharliklar" 6:3 hisobida g‘alaba qozonishdi.
Uchrashuvda uchta golni norvegiyalik hujumchi Erling Xoland kiritdi va u yana ikkita golli uzatmani amalga oshirdi.
Shu tariqa, Xoland beshta golda ishtirok etib, "Manchester derbisi" tarixidagi yagona rekordchiga aylandi. Shu kungacha "Manchester derbisi"da har ikki klubning hech qaysi futbolchisi bir o‘yinda beshta golga ishtirok etmagan.
Keyingi turda "Manchester Siti" o‘z maydonida "Sautgempton"ni qabul qiladi, bu o‘yin 8 oktyabr kuni bo‘lib o‘tadi.
