Англия Премьер-лигасининг 9-туридан ўрин олган учрашувда “Манчестер Сити” ва “Манчестер Юнайтед” жамоалари ўзаро тўқнаш келишди ва учрашув хоккей ҳисоби билан якунланди – "шаҳарликлар" 6:3 ҳисобида ғалаба қозонишди.
Учрашувда учта голни норвегиялик ҳужумчи Эрлинг Холанд киритди ва у яна иккита голли узатмани амалга оширди.
Шу тариқа, Холанд бешта голда иштирок этиб, "Манчестер дербиси" тарихидаги ягона рекордчига айланди. Шу кунгача "Манчестер дербиси"да ҳар икки клубнинг ҳеч қайси футболчиси бир ўйинда бешта голга иштирок этмаган.
Кейинги турда "Манчестер Сити" ўз майдонида "Саутгемптон"ни қабул қилади, бу ўйин 8 октябрь куни бўлиб ўтади.
