"Sampdoriya" bosh murabbiyi lavozimiga klubning sobiq ustozi Roberto D'Aversa hamda Klaudio Ranyeri da’vogarlik qilmoqda, deb xabar beradi Correira Dello Sport.
Yakshanba kuni “Sampdoriya” A seriyaning 8-turida “Monsa”ga 0:3 hisobida imkoniyatni boy berdi.
Shundan so‘ng Marko Jampaolo bosh murabbiy lavozimidan ozod etildi.
"Sampdoriya" turnir jadvalida so‘nggi, 20-o‘rinni egallab turibdi. Sakkiz uchrashuvdan so‘ng jamoa ikki ochkoni qo‘lga kiritdi.
Keyingi, to‘qqizinchi turda “Sampdoriya” mavsum davomida murabbiy iste’foga chiqarilgan boshqa klub – “Bolonya” bilan kurashishi kerak bo‘ladi.
