"Сампдория" бош мураббийи лавозимига клубнинг собиқ устози Роберто Д'Аверса ҳамда Клаудио Раньери даъвогарлик қилмоқда, деб хабар беради Correira Dello Sport.
Якшанба куни “Сампдория” А сериянинг 8-турида “Монца”га 0:3 ҳисобида имкониятни бой берди.
Шундан сўнг Марко Жампаоло бош мураббий лавозимидан озод этилди.
"Сампдория" турнир жадвалида сўнгги, 20-ўринни эгаллаб турибди. Саккиз учрашувдан сўнг жамоа икки очкони қўлга киритди.
Кейинги, тўққизинчи турда “Сампдория” мавсум давомида мураббий истеъфога чиқарилган бошқа клуб – “Болонья” билан курашиши керак бўлади.
