Mashhur insayder Janluka di Marsio Romelu Lukakuning yo‘qligi “Inter” uchun juda og‘riqli ekanligini aytdi.

Belgiyalik hujumchi Simone Indzagi tizimidagi asosiy o‘yinchi hisoblanadi va avgust oyidayoq jarohat olgani uchun jamoa yetakchisiz qolgandi. Lukakuning maydonga qaytishi sentyabr oyining oxiriga rejalashtirilgan edi, biroq 29 yoshli futbolchining tiklanishi kechikdi, bu esa klubni juda xavotirga solmoqda.

Butun sentyabr oyi davomida “neradzurrilar” bor-yo‘g‘i ikkita g‘alabaga erishgan bo‘lsa, oktyabrning birinchi kunida “Roma”ga o‘z uyida mag‘lub bo‘ldi (1:2).