Машҳур инсайдер Жанлука ди Марцио Ромелу Лукакунинг йўқлиги “Интер” учун жуда оғриқли эканлигини айтди.
Белгиялик ҳужумчи Симоне Индзаги тизимидаги асосий ўйинчи ҳисобланади ва август ойидаёқ жароҳат олгани учун жамоа етакчисиз қолганди. Лукакунинг майдонга қайтиши сентябрь ойининг охирига режалаштирилган эди, бироқ 29 ёшли футболчининг тикланиши кечикди, бу эса клубни жуда хавотирга солмоқда.
Бутун сентябрь ойи давомида “нерадзуррилар” бор-йўғи иккита ғалабага эришган бўлса, октябрнинг биринчи кунида “Рома”га ўз уйида мағлуб бўлди (1:2).
