Chempionlar ligasi guruh bosqichining 3-turida "Inter" "Barselona" bilan bahs olib boradi. "Barselona" bosh murabbiyi Xavi Ernandes ushbu o‘yin oldidan 2010 yilgi uchrashuvni esladi. O‘shanda turnirning yarim finalida “Barselona” Milanda 1:3 hisobida mag‘lub bo‘ldi, o‘z maydonida 1:0 hisobida g‘alaba qozondi, ammo bu "Barselona"ning finalga chiqishi uchun yetarli bo‘lmagandi.
"O‘sha o‘yinlarni eslayman, vulqon otilishi sababli biz Milanga avtobusda bordik va bu oson bo‘lmagandi. Ularni Mourinyo boshqargan, o‘sha o‘yinlar haqida ko‘p bahs-munozaralar bo‘lgan va umuman olganda, bu biz uchun qayg‘uli voqea bo‘ldi", - dedi Xavi La Gazzetta Dello Sport bilan suhbatda.
Chempionlar ligasi guruh bosqichi 3-turi doirasidagi “Inter” va “Barselona” uchrashuvi bugun tunda bo‘lib o‘tadi. Bellashuv Toshkent vaqti bilan soat 00:00da boshlanadi.
