Чемпионлар лигаси гуруҳ босқичининг 3-турида "Интер" "Барселона" билан баҳс олиб боради. "Барселона" бош мураббийи Хави Эрнандес ушбу ўйин олдидан 2010 йилги учрашувни эслади. Ўшанда турнирнинг ярим финалида “Барселона” Миланда 1:3 ҳисобида мағлуб бўлди, ўз майдонида 1:0 ҳисобида ғалаба қозонди, аммо бу "Барселона"нинг финалга чиқиши учун етарли бўлмаганди.
"Ўша ўйинларни эслайман, вулқон отилиши сабабли биз Миланга автобусда бордик ва бу осон бўлмаганди. Уларни Моуриньо бошқарган, ўша ўйинлар ҳақида кўп баҳс-мунозаралар бўлган ва умуман олганда, бу биз учун қайғули воқеа бўлди", - деди Хави La Gazzetta Dello Sport билан суҳбатда.
Чемпионлар лигаси гуруҳ босқичи 3-тури доирасидаги “Интер” ва “Барселона” учрашуви бугун тунда бўлиб ўтади. Беллашув Тошкент вақти билан соат 00:00да бошланади.
