Madridning “Atletiko” klubi yarim himoyachisi Koke “matraschilar”ning Chempionlar ligasi guruh bosqichidagi qiyin ahvoli haqida gapirdi.
“Biz olti ochko olishni istardik, ammo bizda bor-yo‘g‘i uchta ochko bor. Hammasini tuzatishimiz kerak. Shubhasiz, har qanday stadiondagi barcha o‘yinlarda bo‘lgani kabi, biz ham g‘alaba qozonish, hamma narsani to‘g‘ri qilish uchun maydonga tushamiz", - deydi Koke.
Yarim himoyachi “Bryugge”ga qarshi o‘yin oson bo‘lmasligini, chunki har qanday o‘yin avvalgisidan farq qilishini ta’kidladi.
Ikki turdan so‘ng "Atletiko" o‘z guruhda uchinchi o‘rinda bormoqda. Kutilmaganda yetakchilik qilayotgan “Bryugge” klubi bilan uchrashuv 4 oktyabr kuni Belgiyada bo‘lib o‘tadi.
