"Real" bosh murabbiyi Karlo Anchelotti Chempionlar ligasi guruh bosqichi 3-turi doirasidagi "Shaxtyor"ga qarshi o‘yin oldidan kadrlar bilan bog‘liq vaziyat haqida gapirdi.
"Tibo Kurtua ertaga maydonga tushmaydi. Luka Modrich va Lukas Vaskes qaytishdi. Shu bilan birga, Modrichning ilk daqiqalardanoq maydonga tusha olishiga ishonchim komil emas. Shuningdek, Dani Sebalyos o‘ynamaydi, chunki, uning son mushaklarida muammolar bor.
Kurtuaga kelsak, uning ahvoli yaxshiroq. U "Shaxtyor"ga qarshi ikkinchi uchrashuvga yoki "El-Klasiko"ga tayyor bo‘lsa kerak" - dedi Anchelotti matbuot anjumanida.
Madridning “Real” klubi 5 oktyabr tunda “Shaxtyor”ni qabul qiladi. Uchrashuv Toshkent vaqti bilan 00:00 da boshlanadi.