"Реал" бош мураббийи Карло Анчелотти Чемпионлар лигаси гуруҳ босқичи 3-тури доирасидаги "Шахтёр"га қарши ўйин олдидан кадрлар билан боғлиқ вазият ҳақида гапирди.
"Тибо Куртуа эртага майдонга тушмайди. Лука Модрич ва Лукас Васкес қайтишди. Шу билан бирга, Модричнинг илк дақиқаларданоқ майдонга туша олишига ишончим комил эмас. Шунингдек, Дани Себальос ўйнамайди, чунки, унинг сон мушакларида муаммолар бор.
Куртуага келсак, унинг аҳволи яхшироқ. У "Шахтёр"га қарши иккинчи учрашувга ёки "Эл-Класико"га тайёр бўлса керак" - деди Анчелотти матбуот анжуманида.
Мадриднинг “Реал” клуби 5 октябрь тунда “Шахтёр”ни қабул қилади. Учрашув Тошкент вақти билан 00:00 да бошланади.