Futzal bo‘yicha Quvaytda o‘tayotgan Osiyo kubogi chorak finalida O‘zbekiston milliy terma jamoasi mezbonlarga qarshi parketga chiqib 3:0 hisobida yirik g‘alabaga erishdi.
Gollarga Anasxon Rahmatov, Davron Choriyev va Husniddin Nishonov mualliflik qilishdi.
O‘zbekiston terma jamoasi endi yarim finalda Yaponiyaga qarshi o‘yin (6 oktyabr) o‘tkazadi. Kun chiqaryurt vakillari chorak finalda Indoneziyani 3:2 hisobida yengishdi.
Yarim finalning yana bir juftligi - Eron — Tailand.
Osiyo kubogi. 1/4 final
O‘zbekiston 3:0 Kuvayt
Gollar: Anasxon Rahmatov (13), Davron Choriyev (21), Husniddin Nishonov (34)
